Trajneri i Barcelona-s, Hansi Flick, së fundmi ka lavdëruar Liverpool-in, duke thënë se ata janë një nga skuadrat e tij të preferuara për momentin.
Ai gjithashtu i cilësoi ata si një nga favoritët për trofeun e Champions League këtë sezon.
Liverpool është gjithashtu në krye të tabelës së fazës së parë të Champions-it me gjashtë fitore në gjashtë ndeshje. Ndërkohë Barcelona është e dyta me tre pikë më pak.
Në konferencë për shtyp, kur foli se kush mund ta fitojë Champions League, Hansi Flick lavdëroi gjigantët e Premier Leagues.
Ai tha:“Kur shikoj Liverpool-in, shoh një ekip me fuqi të jashtëzakonshme. Ata janë një nga ekipet e mia të preferuara në botë për momentin.
“Ne po bëjmë mirë, por ka skuadra shumë të mira që po ashtu po bëjnë mirë dhe ne po luftojmë në tre fronte Champions League, La Liga dhe Copa del Rey”.
Barcelona së fundmi fitoi Superkupën e Spanjës, duke mposhtur në finale rivalin Real Madrid 5-2.
Ata gjithashtu kanë arritur në çerekfinale të Kupës së Mbretit, por janë të tretët në La Liga.
