Trajneri i ri i Barcelonës, Hansi Flick thuhet se ka një lojtar që e cilëson të paprekshëm nga skuadra aktuale e katalunasve.
Gjermani Flick tashmë ka zëvendësuar edhe zyrtarisht Xavi Hernandezin në postin e trajnerit të Barcelonës.
Dhe përpara asaj që mund të jetë një afat kalimtar veror potencialisht i ngarkuar, Flick ka disa ide të qarta.
Hansi Flick x Frenkie De Jong 😍 pic.twitter.com/mHnlW7s7q7
— Barça Posts (@theBarcaPosts) May 30, 2024
Flick thuhet se ka emëruar lojtarin ‘e paprekshëm’ brenda skuadrës aktuale të Barcelonës.
Sipas gazetarit Roger Torello, Flick me të vërtetë dëshiron të mbajë në ekip mesfushorin holandez, Frenkie de Jong.
Më herët u raportua se holandezi ishte në sy të shumë klubeve të mëdha evropiane dhe mund të shitet për të zgjidhur problemet financiare të Barcelonës.
Megjithatë, tani që Flick u bë trajner i Barçës, kjo nuk duket më kështu dhe De Jong duket se e ka të garantuar qëndrimin në Camp Nou.
