Kanë mbetur dhe 90 minuta për t’u luajtur në La Liga, por Barcelona e ka mbyllur praktikisht sezonin e saj.
Ndeshja e fundit në Bilbao do të jetë sa për statistikë dhe respektuar garën. Sepse trajneri Flik dhe drejtori sportiv Deko kanë nisur të planifikojnë sezonin e ardhshëm. Ata kanë shumë emra në tryezë dhe disa operacione janë në zhvillim e sipër.
Shpejtësia dhe zelli në vendimet e tyre janë për shkak të kuptimit shumë të qartë të themeleve, mbi të cilat do të bazohet projekti, ku një prej tyre është se ata kanë nevojë për lojtarë veteranë dhe me përvojë për të balancuar dhe plotësuar ekipin e ri në dhomën e zhveshjes.
“Jam i qartë për nevojat për 25-26 lojtarë. Do të flas me Deko-n, tani është koha dhe do t’i kushtojmë kohë atij”, tha trajneri gjerman pas ndeshjes kundër Vijarrealit.
Dhe një nga kërkesat e tij për klubin është të investojë në lojtarë veteranë dhe me përvojë, të cilët dinë të menaxhojnë dhe udhëheqin, në fushë dhe në dhomat e zhveshjes një skuadër me një numër të madh lojtarësh të rinj. Prandaj, Flik mbështet vazhdimësinë e burrave si Shezni, 35 vjeç, dhe të cilit Barça i ka ofruar një rinovim dyvjeçar; Injigo Martinez, 34 vjeç, i cili e zgjati kontratën e tij dy muaj më parë deri në verën e ardhshme dhe të cilit klubi ia ka propozuar tashmë zgjatjen; të Rafinjës, 28 vjeç, me të cilën shpresojnë të njoftojnë nënshkrimin e tyre të ri këtë javë; e Frenki de Jong, 28 vjeç; Levandovski, 36 vjeç …
Nënshkrimet – Por Flik dhe Deko po eksplorojnë gjithashtu tregun për të forcuar skuadrën për sezonin 2025-‘26, për ta bërë atë edhe më konkurruese. Dhe shumica e lojtarëve që kanë në bllokun e shënimeve janë gjithashtu me përvojë si Luis Diaz (Liverpul), Rafael Leao (Milan), Aleksandër Isak (Njukasëll). Mosha mesatare e Barcelonës këtë sezon ka qenë 25.1 vjeç.
PANORAMASPORT.AL
