Sulmuesi i Tiranës, Florent Hasani është transferuar në Rumani te Rapid Bukureshti.
Lajmin e ka konfirmuar vetë klubi përmes një postimi në rrjetin social facebook, shkruan lajmi.net.
Hasani i bashkohet Albion Rrahmanit, ish-sulmuesit të Ballkanit, i cili verës u transferua te Rapidi.
Sulmuesi ka nënshkruar kontratë për dy vjet e gjysmë, pas një sezoni fantastik në kryeqytetin shqiptar.
Këtë sezon, ai ka shënuar 10 gola në 16 ndeshje për Tiranën, derisa vitin e kaluar ishte golashënuesi më i mirë i Kategorisë Superiore me 16 gola.
Hasani ka pasur paraqitje edhe për Përfaqësuesen e Kosovës. /Lajmi.net/
