Real Madridi po e konsideron Xabi Alonson si një opsion serioz për të zëvendësuar trajnerin italian, Carlo Ancelottin.
Sipas raporteve të fundit të mediave spanjolle, bordi i Real Madridit, përfshirë presidentin Florentino Perez, e shohin Alonson si kandidatin ideal për këtë rol.
Bordi admiron cilësitë drejtuese të Alonsos dhe lidhjen me klubin mbretëror.
Florentino Perez thuhet të jetë veçanërisht entuziast, me raportet që sugjerojnë se ai “beson se Alonso është trajneri i përsosur i ardhshëm për Real Madridin”.
Suksesi i fundit i Alonsos me Bayer Leverkusen ka rritur më tej reputacionin e tij, duke e bërë atë një pretendentë të fortë.
Me të ardhmen e Ancelottit të paqartë, klubi duket i gatshëm ta bëjë Alonson zgjedhjen e tyre kryesore për të ecur përpara.
Megjithatë, drejtori sportiv i Bayer Leverkusen, Simon Rolfes, beson fuqishëm se Alonso do të jetë trajneri i tyre edhe sezonin e ardhshëm.
