Shqipëria nuk doli më shumë se me një pikë ndaj Serbisë, due luajtur baras (0:0) në kuadër të kualifikueseve për Kampionatin Botëror në futboll.
Piksi’ është kritikuar ashpër nga media serbe ‘Telegraf’.
Ky portal serb, gazetari i të cilit bëri pyetjen në lidhje me frikën e shkarkimit të selektorit, kritikoi ndeshjen, por edhe sjelljen e
Stojkoviqit. Gazetari Dushan Ushteviq shkroi se Piksi “u rrëzua” në Tiranë, dhe më pas, pas ndeshjes “vazhdoi të shiste tym, atë që di më mirë që nga Kupa e Botës në Katar”.
Një gazetar shkruan gjithashtu: “Pasi foli në shqip në konferencën për shtyp para ndeshjes, trajneri vendosi të binte në gjunjë, kështu që i përgëzoi shqiptarët për atmosferën, dhe madje uroi që Serbia të kishte të njëjtën atmosferë?!”
“Dhe gjatë ndeshjes, për 90 minuta, patëm thirrje UÇK, thirrje të Adem Jasharit (themeluesit të UÇK-së), nuk e dëgjuam himnin për shkak të fishkëllimave, pamë flamuj të UÇK-së në tribuna, thirrje ‘Kosova është Shqipëri’, flamuj të Kosovë në tribuna”, shkruan më tej media serbe.
“Prandaj, mund të përfundojmë vetëm me të njëjtën gjuhë të nivelit të rrugës me të cilën na u drejtua Piksi, je pak i çmendur!”, shkruan mes të tjera ky medium serb.
