Alvaro Morata është rikthyer në stërvitjet në grup te Milani dhe do të jetë i disponueshëm për përzgjedhje në ndeshjen e ardhshme të Serie A kundër Venezias .
Reprezentuesi spanjoll është rikuperuar nga një dëmtim muskulor që pësoi gjatë ndeshjes së parë të Serie A të sezonit kundër Torinos.
Ish- sulmuesi i Juventus është rikthyer në stërvitjet në grup mëngjesin e së mërkurës, transmeton GazetaBlic Sport.
Disa burime me reputacion, përfshirë Sky Sport Italia dhe Milannews, raportojnë se sulmuesi me përvojë ka përfunduar të gjithë seancën stërvitore me shokët e tij të skuadrës këtë mëngjes.
Kjo do të thotë se ai do të jetë i disponueshëm në ndeshjen e radhës në shtëpi kundër Venezias së Eusebio Di Francesco më 14 shtator, por mbetet për t’u parë nëse ai do të jetë i aftë për të qenë titullar.
Milani është tashmë nën presion pasi ka fituar vetëm dy pikë në tre ndeshjet e para të sezonit në ligë. Pas ndeshjes ndaj Venezia, ata do të përballen me Liverpoolin në San Siro në Champions League dhe Interin në Serie A.
/GazetaBlic Sport/
