Lëndimet janë një “plagë” e cila ende rrjedh “gjak” në dëm të Bajernit. Në kuadër të sfidës me Lerverkusen, Tomas Tuhel nuk e ka të sigurt nëse numri “1” Manuel Nojer do të jetë i gatshëm për të dhënë kontributin ditën e sotme në “BayArena”.
Alfonso Dejvis konsiderohet zyrtarisht si “kartë e djegur”, pasi “raketa” kanadeze e ka të pamundur aktivizimin si pasojë e problemeve ne gju. Nusair Mazraui pritet të mbulojë korsinë e majtë, e ku dueli me Zherëmi Frimpong do të jetë garë me vete. Joshua Kimish është parë të stërviten më ritëm të kënaqshëm, por rendimenti i lartë i talentit Aleksandër Pavloviç duket se ka dhënë efekt te Tuhel për t’i besuar sërish rolin e titullarit.
Leon Gorecka do shërbejë si shtysë para fazës ofensive. Tomas Myler pritet ta nisë nga minuta e parë, në shoqërinë e Xhamal Musialës dhe Leon Goreckës, teksa në majë të sulmit Herri Kejn do të mbetet rrezik konstant në portën e Hradeckit.
Ksabi do t’i përgjigjet kampionëve me tredhëmbëshin ofensiv Virc-Shik-Hofman, të mbështetur nga Xhaka.
PANORAMASPORT.AL
