Partizani do të luajë sot përballë Teutës në 17:00 në stadiumin “Arena e Demave” sfidën e vlefshme të javës së 10-të të Superiores. Të kuqtë janë si pritës në shtëpinë e tyre, pasi sipas kalendarit Teuta është pritëse.
Meqenëse stadiumi ”Niko Dovana” është në fazën e rehabilitimit të fushës, durrsakët do të luajnë në shtëpinë e të kuqve. Edhe pse është fillimi i fazës së dytë, të dy ekipet ndeshen për herë të parë, pasi dueli i fazës së parë është shtyrë disa herë dhe ende nuk është zhvilluar. Të dy trajnerët e kanë bërë publikë formacionin për këtë ndeshje, ku te Partizani ka disa ndryshime në raportin mbrojtës.
Ja formacionet e të dy ekipeve:
TEUTA: Dema, Kotobelli, Jazxhi, Qaqi, Beqja, Karabeci, Daja, Kruja, Gjinollari, Daci, Fili.
Trajner: Edi Martini
PARTIZANI: Hoxha, Antanaskoski, Bytyçi, Preka, Zekolli, Mehmeti, Maget, Rrapaj, Taipi, Cara, Bintsuka.
Trajner: Arbër Abilaliaj
