Ferrari vazhdon me seritë negative të rezultateve, ku e ka përsëritur edhe këtë fundjavë.
“Kokëkuqja” nuk ka shkuar më shumë se një vend i 5-të me spanjollin Carlos Sainz, ndërsa Leclerc në vendin e 12-të.
Piloti i Ferrarit nga Monaco, Charles Leclerc, është shprehur tepër i pakënaqur.
“Kemi paqëndrueshmëri të vazhdueshme, kemi ende shumë punë për të bërë. Personalisht, ndiej zhgënjim të madh”.
Të njëjtin mendim ksihte edhe Carlos Sainz, ku në përfudnim të cirkuitit në Barcelona, ai theksoi: “ Garë zhgënjyese, le të themi që kjo pistë nxori në pah edhe një herë tjetër defektet tona. Red Bulli dhe Mercedes janë shumë larg nesh, por sot menduam se mund ta siguronim një vend në podium.”
Pas 7 garave të zhvilluara, pilotët e Ferrarit kanë grumbulluar në total 100 pikë, 70 më pak se kryesuesi Verstappen, ku duket se nuk do të ketë rivalë për titullin kampion./h.ll/abcnews.al
