“Kam mbaruar kohën time, në kokë kam planifikuar të qëndroj në krye të Francës deri në vitin 2026”. Kështu ka deklaruar Didier Deschamps, i cili në një intervistë ka paralajmëruar lamtumirën e tij me kombëtaren pas Botërorit të ardhshëm. Në krye të skuadrës franceze që nga viti 2012 (ai pasoi Laurent Blanc), ish-lojtari i Juves mund të mburret me super jetëgjatësinë në stolin e Les Bleus. “Nuk jam këtu për rekorde – vazhdoi 56-vjeçari, kampion bote si trajneri në 2018 – Duhet të dimë të themi mjaft, ka një jetë më pas, edhe nëse është e vështirë të thuash ndalo kur diçka është e bukur”.
Deschamps, i cili fitoi Ligën e Kombeve 2021, arriti në finale me Francën në Euro 2016 dhe Kupën e Botës 2022 në Katar, por u mund respektivisht nga Portugalia dhe Argjentina. Tani mundësia për t’u larguar me suksese të tjera: në marsin e ardhshëm kombëtarja do të sfidojë Kroacinë në çerekfinale të Ligës së Kombeve. Pa harruar Botërorin 2026 që do të zhvillohet mes Shteteve të Bashkuara, Kanadasë dhe Meksikës.
