Në radhët e futbollit anglez ka një shqetësim të madh për një sulm të mundshëm terrorist në një nga stadiumet e Premier League.
Sipas “Daily Mail”, liga angleze u ka dërguar një letër përkatëse skuadrave të saj duke u kërkuar atyre që tani e tutje të jenë të kujdesshëm në çdo ndeshje. Shkak për këtë veprim të Premier League ishte sulmi terrorist i ndodhur në Rusi pak ditë më parë me 137 viktima.
Siç thekson faqja angleze, ky dokument është dërguar ditët e mëparshme përpara të dielës së kaluar, e cila ishte e diela e Pashkëve për katolikët, por duke vënë në dukje se do të dëshirohej që kjo vigjilje të ishte për ndeshjet e tyre të ardhshme, si në fushë ashtu edhe jashtë saj./ h.ll/abcnews.al
