Interi do të presë Xhenoan ditën e shtunë në kampionatin italian, sfidë që është përpara asaj më të rëndësishmes kundër Napolit në “Maradona”. Trajneri Simone Inzagi kërkon që të marrë patjetër 3 pikët në mënyrë që të shkojë me të njëjtën distancë për të tentuar kreun e klasifikimit, ndërsa problematikat nuk mungojnë.
Përveçse duhet që të bëjë pa Turamin e dëmtuar dhe Karlos Auguston në dyshim, janë 3 futbollistë që rrezikojnë të humbasin duelin me napolitanët për shkak të kartonëve.
Bëhet fjalë për Bastonin, Barelën dhe Mkitarianin. Të tre janë lojtarë pa të cilët trajneri Simone Inzagi nuk bën dot dhe do të kërkojë kujdes maksimal prej tyre në sfidën e radhës. Nuk përjashtohet mundësia që ndonjëri të ulet në stol, por Xhenoa është një rival ndaj të cilit nuk duhet të bësh eksperimente.
PANORAMASPORT.AL
