Ndeshjet e sotme të turit të dytë të Ligës së Kampioneve kanë dhuruar rezultate shumë interesante, ku spikat sidomos një sfidë ku është shkruar historia. Klaksvik e Ishujve Faroe është kualifikuar në turin e tretë të kompeticionit më të rëndësishëm për klube në Europë, skuadra e një fshati me vetëm 5032 banorë.
Skuadra e cila në vitet e fundit ia kishte dalë të shkonte deri në play-off të Ligës së Europës, këtë herë arriti të siguronte të paktën grupet e Ligës së Konferencës, pasi eliminoi kampionët e Suedisë, BK Haken. Pas barazimit 0-0 mes skuadrave në ndeshjen e parë, sfida u mbyll në barazim edhe në të dytën, këtë herë me shifrat 3-3. Në fund, skuadra e Klaksvik u kualifikua duke triumfuar me penalti, në fushën kundërshtare, për një rezultat historik.
Me penallti u kualifikua edhe Servet e Zvicrës ndaj Gent të Belgjikës, ndërsa Makabi Haifa iu deshën kohët shtesë për të mposhtur Sherif Tiraspol.
Në turin tjetër të turneut, në garë hyjnë emra të njohur në arenën ndërkombëtare si Braga, Rejnxhërs, Olimpik Marsejë apo PSV.
REZULTATET
Astana-Dinamo Zagreb 0-2
Karabak-Rakov 1-1
Genk-Servet 2-2 (1-4P)
Haken-Klaksvik 3-3 (3-4P)
Makabi Haifa-Sherif Tiraspol 4-1
Molde-HJK 2-0
Kopenhagë-Breidablik 6-3
Gallatasaraj-Zalgiris 1-0
*Më të theksuara skuadrat e kualifikuara
TURI I TRETË
Rakov-Aris Limasol
Slovan Bratislava-Makabi Haifa
AEK-Dinamo Zagreb
Olimpija Ljubljana-Gallatasaraj
Kopenhagë-Sparta Pragë
Klaksvik-Molde
Braga-Baçka Topola
Rejnxhërs-Servet
Panathinaikos-O. Marsejë
PSV-Shturm Grac
PANORAMASPORT.AL
