Mes protagonistëve që po shkëlqejnë në skenën e Serisë B, spikat mbi të gjitha sezoni madhështor që po luan Cristian Shpendi. Sulmuesi i Cesenas është golashënuesi më i mirë i kampionatit me 8 gola të shënuar në 12 ndeshjet e para, të cilëve u duhen shtuar edhe dy të tjerë në Kupën e Italisë.
Pa dyshim jo keq për një lojtar që në vitin e tij të parë në kategori, pasi ka shkëlqyer edhe në Serinë C, ka tërhequr shumë vëmendje, përfshirë edhe atë të kombëtares italiane.
Cristian Shpendi ka lindur në Ankona më 19 maj 2023 nga prindër shqiptarë dhe, për këtë arsye, lojtari ka dy shtetësi. Në nivel kombëtar, Shpendi deri më tani ka veshur fanellat e ekipeve të Shqipërisë U-19 dhe U-21. Me këtë të fundit ai ka shënuar 1 gol në 7 paraqitje zyrtare. Megjithatë, thirrja nga kombëtarja e të rriturve nuk ka ardhur ende dhe në këtë kuptim, Italia mund të tentojë të futet në këtë situatë.
“Kombëtarja italiane? Asnjë thirrje zyrtare për momentin”, ishin fjalët me të cilat Shpendi komentoi zërat e fundit se do të thirrej nga kombëtarja italiane.
Nëse nuk kanë ndodhur ende kontakte zyrtare, në Federatë po mendojmë për mundësinë e grumbullimit të një djali që është në rritje dhe që mund të sjellë entuziazëm te të kaltrit, ndoshta duke filluar nga moshat U-21 e më pas.
Në fakt, FIGC po mendon, me rregulloren në dorë, ta shkëputë atë dhe vëllanë e tij binjak, Stiven, nga Shqipëria.
Nëse Italia po mendon për mundësinë e thirrjes së Shpendit, duhet të analizohet edhe pozicioni i Shqipërisë, vend që futbollisti ka përfaqësuar deri më tani në nivel të rinjsh.
Nëse Sylvinho do ta thërrasë sulmuesin dhe do ta aktivizojë në tri ndeshje (përfshirë ndeshjet miqësore), pasi Cristian tashmë ka mbushur 21 vjeç, Italia do të humbiste të drejtën për ta thirrur.
Numrat e Shpëndit
10 golave të shënuar deri më tani në sezonin 2024/25, u shtohen edhe ato të një viti më parë, të cilët kulmuan me ngjitjen e skuadrës së Cesenas në Serinë B. Shpendi vitin e kaluar ka shënuar 23 gola në kampionat, në Kupën e Italisë dhe në Superkupën e kategorisë dhe muajt e fundit ka treguar se nuk e ka vuajtur fare kapërcimin në një kategori më të fortë. Në të vërtetë, kërcimi drejt Serisë B duket se e ka përmirësuar më tej atë. Në total, me fanellën e Cesenas numrin 33 gola në shtatë asiste në 78 ndeshje.
