Ditët e fundit kanë qenë “furtunë” për Bajernin. Raportimet e “Bild” se gjigandët bavarez kanë tërhequr propozimin për Joshua Kimish, e cila përkon me rinovimin ka tundur nga “themelet” e tifozëve.
Largimi i “regjisorit” Kimish me parametra zero do të ishte një humbje e madhe në Mynih. Por pas këtij skenari qëndron një strategji e fshehtë, teksa është vënë në “dritë” nga “Kicker”. Bordi i Bajernit po planifikon të largojë Kimish me parametra zero, por nga krahu tjetër kursen pagën e 30-vjeçarit. Kjo është vetëm maja e “ajsbergut”. Më tej thuhet se dy të sakrifikuarit e radhës do të jenë Tomas Myler dhe Leroi Sane.
Të dy lojtarët në fjalë marrin paga të majme, çka do kursente arkat e klubit më të titullar në Gjermani. E ardhmja e Mylerit është e diskutueshme, ku ende nuk është marrë një vendim konkret se çfarë do ndodh me 35- vjeçarin. Më e ndërlikuar paraqitet pista “Sane”. Leroi nuk ka bindur ende në urdhërat e trajnerit të ri Vinsent Kompani. Mungesa e qëndrueshmërisë ka luajtur rol edhe te bordi.
Pikërisht shefat në Mynih nuk janë të bindur nëse Sane meriton një rinovim të kontratës. E gjithë kjo mesele ka një arsye për “dëbimin” e trinomit KimishMyler-Sane, emri përkon me Florian Virc. Grumbullimi i milionave do i jepet frymëmarrje sektorit të financave te rekordmenët e Gjermanisë, aty ku në verë do të vihet në jetë misioni “Virc”. Aludohet se çmimi i yllin të Leverkusen është mbi 100 milionë euro, një operacion që do vendos rekord në Mynih.
PANORAMASPORT.AL
