Frikë për gjendjen shëndetësore të Gigi Rivas. Dy ditë më parë, 79-vjeçari, ish-futbollist i përfaqësueses italiane, u shtrua me urgjencë në spitalin Brotzu, në Cagliari, pasi u ndje keq në shtëpinë e tij në lagjen San Benedetto.
I ndihmuar menjëherë nga personeli i urgjencës dhe i stabilizuar nga mjekët në repartin e kardiologjisë, sipas asaj që raporton “La Nuova Sardegna”, ish-legjenda e futbollit të Cagliarit dhe kombëtares së futbollit do t’i duhet së shpejti t’i nënshtrohet një operacioni të lehtë në zemër. Gjendja e tij shëndetësore, për momentin, nuk shkakton shqetësime serioze.
I lindur në vitin 1944, Riva konsiderohet si një nga futbollistët më të fortë italianë.
I lidhur në mënyrë të pandashme me Cagliarin, me të cilin fitoi një titull historik në vitin 1970, falë 35 golave të shënuar me kombëtaren, ai mbetet sulmuesi më i mirë në historinë e përfaqësueses së kaltër.
Me Italinë ai fitoi Kampionatin Evropian të vitit 1968 dhe mori pjesë në finalen e Kupës së Botës 1970, duke shënuar gjithashtu në Itali-Gjermani 4-3./ h.ll/abcnews.al
