Ajo frazë mitike, e cila ishte në gjysmë të rrugës midis një perle dhe një memeje (“Unë jam spanjoll, pse do që unë të të mund”) është përmbushur deri në një besim në futbollin spanjoll, që numëron statistika mbresëlënëse.
Që nga viti 2001, kur Valencia dhe Alavesh humbën finalet e tyre europiane ndaj Bajernit dhe Liverpulit, kombëtarja spanjolle dhe klubet e La Liga-s nuk kanë humbur një finale të madhe të turneve të Kupës së Botës, Europianëve, Champions League dhe Europa League! Kombëtarja spanjolle ka fituar të katër finalet (pa llogaritur Ligën e Kombeve) që ka luajtur (2008, 2012 dhe 2024 kampionatin europian dhe Botërorin në vitin 2010).
Përveç kësaj, Madridi fitoi pesë Liga të Kampionëve kundër rivalëve jo spanjollë (dy kundër Liverpulit, dhe nga një kundër Leverkusenit, Juventusit dhe Dortmundir, respektivisht); dhe Barça, katër (dy ndaj Mançester Junajtidit, një ndaj Arsenalit dhe një tjetër ndaj Juventusit). Sevilja fitoi gjashtë UEFA – Europa League (viktimat e saj ishin Midëllsbrou, Benfika, Dnipropetrovi, Liverpuli, Interi dhe Roma); Atletiko e Madridit, dy (kundër Fulhamit dhe Marsejës); dhe Vijarreali një (kundër Mançester Junajtidit).
HUMBJET – E vërteta është se nuk ka pasur vetëm fitore e suksese. Ka pasur dhe humbje e zhgënjime. Spanja humbi Kupën e Konfederatave kundër Brazilit të Nejmarit në “Maracaná” (2013); dhe atë të Ligës së Kombeve kundër Francës (2020). Në nivel klubesh Sevilja humbi përballë Milanit (2007), Bajernit (2020) dhe Mançester Sitit (2023) Superkupën e Europës. Vijarreali u mund po në Superkupën e Europës përballë Çelsit (2021). Barça humbi Kupën e Botës për Klube në vitin 2006. Por besueshmëria e skuadrave spanjolle është maksimale.
PANORAMASPORT.AL
