Futbollisti kosovar, Lavdim Zumberi është në kërkim të një skuadre të re pas përfundimit të aventurës me FC Wil 1900.
23-vjeçari tani është “lojtar i lirë” dhe po pret oferta nga skuadrat europiane, shkruan Lajmi.net
Ashtu siç raporton 4-4-2.ch, Zumberi është duke u kërkuar nga ekipi tjetër zvicran, FC Aarau, që ka trajner Alex Frei.
“Ka ardhur koha të bëjë një hap tjetër. Në një diskutim mes dy palëve kemi ardh në përfundim që të largohem dhe kjo ishte zgjidhja më e mirë. Në dy vitet e fundit kam qenë në gjendje të zhvillohem si lojtar dhe ky është një elemant i rëndësishëm. Unë gjithmonë kam pasur marrëdhënie të mira me trajnerët që kam punuar. Kështu edhe me Alex Frei. Dua të mendoj me kujdes për hapin tjetër, prandaj më duhet kohë”, u shpreh Zumberi për 4-4-2.ch
Mesfushori me FC Wil gjatë këtij sezoni zhvilloi 21 ndeshje, shënoi dy gola dhe bëri tre asiste. Vlera e tij në sajtin e njohur “Transfermarkt” shkon deri në 100 mijë euro./Lajmi.net/
