Kombëtarja e Kosovës në futsall, synon fitoren e parë në kuadër të “Main Round” të kualifikimeve për “Euro 2026”.
Pas humbjes që e pësoi javën e shkuar në udhëtim te Gjeorgjia në kuadër të xhiros së parë, Kosova në xhiron e dytë do të përballet me Bullgarinë.
Dueli mes Kosovës dhe Bullgarisë, zhvillohet sot prej orës 20:00 në Pallatin e Rinisë dhe Sporteve në Prishtinë dhe i takon Grupit të 10-të kualifikues.
Sikurse Kosova ashtu edhe Bullgaria pësoi humbje në xhiron e parë duke pësuar nga Franca.
“Dardanët” u mposhtën 3:1 nga Gjeorgjia, ndërsa Bullgaria humbi me rezultatin e thellë 11:0 prej Kombëtares së Francës.
