AC Milani e ka lëshuar epërsinë e dy golave duke u ndalur në një barazim nga Parma, në kuadër të xhiros së 11-të në Serie A.
“Rossonerët” ishin më dominues në periudhën më të madhe të kohës, por që epilogu përfundimtar rezultoi të jetë 2-2.
Pas vetëm 12 minutave lojë, Alexis Saelemaekers kaloi Milanin në epërsi pas asistimit të Christopher Nkunku.
Ndërsa, ishte Rafael Leao që dyfishoi epërsinë duke shënuar nga pika e bardhë (25’).
Sidoqoftë, Parma e ngushtoi epërsinë përmes Adrian Garcias që realizoi nga afërsia (45+1’).
Parma ishte më kërkuese gjatë tërë pjesës së dytë, ku rrezikuan sërish me Garcian dhe Mateo Pellegrinon por të pafat.
Sidoqoftë, vendasit arritën ta fitojnë një pikë pas golit të Endrico del Parto që pas një aksioni të shpejtë, shënoi nga afërsia me kokë (62’).
Milani pastaj provoi ta kthente epërsinë ku kishte një rast të mirë me Christian Pulisic, mirëpo amerikani nuk e finalizoi.
Pas këtij barazimi, Milan qëndron në pozitën e dytë me 22 pikë ndërsa Parma zë vendin e 17-të me tetë sosh.
