Në derbin e Milanos, Milan u mposht nga Inter me shifrat e thella 5-1 jo shumë kohë më parë.
Pas kësaj sfide, në kampin stërvitor të kuqezinjve ditën tjetër u shfaq Zlatan Ibrahimoviç.
Suedezi ishte atje për të folur me ish-trajnerin dhe ish-shokët e skuadrës, për t’i frymëzuar dhe për t’i ngritur moralin.
Ibra e ka shprehur shpesh herë se dashuria e tij për këtë klub është e madhe, dhe së fundmi “Calciomercato” paralajmëron për një rikthim të Zlatan te Milan.
Ibra pritet të marrë një propozim për rolin e menaxherit të ekipit.
Në raportimin përkatës thuhet se presidenti i Milanit, Cardinale, dëshiron të rikthejë në skuadër Ibrahimovic, i cili u largua nga futbolli aktiv verën e kaluar, për të punuar me trajnerin e skuadrës, Stefano Pioli në lidhje me gjendjen psikologjike të lojtarëve.
