Partizani në këtë merkato ka pësuar shumë ndryshime. Nga “Demast” janë larguar 4 lojtarët kryesorë të ekipit, me klubin që ka preferuar t’i shesë në Ukrainë.
Diçka e tillë sigurisht nuk i ka pëlqyer Aleksandar veselinovic, i cili pas fitores me Skënderbeu nuk nguroi të shprehej se Partizani me këto largime nuk është më për titull. Një deklaratë që nuk është pritur mirë nga drejtuesit kryeqytetas.
Për këtë ditën e djeshme është zhvilluar një mbledhje urgjente, ku Gaz Demi ka mbledhur gjithë bordin drejtues ku kanë folur për Partizanin. Në këtë mbledhje është diksutuar edhe për të ardhmen e Veselinovic dhe kreu i klubit ka vendosur t’i besojë sërish serbit pavarësisht largimeve dhe deklaratës së tij.
Presidenti nuk merr vendim ekstrem, teksa vendos të vazhdojë me trajnerin aktual.
Tashmë mbetet të shihet se si do të jetë ecuria e “Demave” në 16 javët e mbetura të kampionatit..
