Mario Gila, mbrojtësi i Milanit, foli për UEFA-n mbi fillimin e aventurës në “Europa League” dhe objektivat e kuqezinjve: “Jam shumë i lumtur, që fëmijë ëndërron t’i arrish këto nivele. Jam krenar për punën dhe mbështetjen që kam marrë. Tani dua të tregoj çfarë mund të bëj, të ndihmoj skuadrën dhe të arrijmë rezultate të mëdha”.
Për eksperiencat te Lazio: “Kam mësuar sidomos nga momentet e vështira. Çdo trajner, nga Sarri te Tudor e Baroni, më ka lënë diçka. Sot jam te Milani edhe falë gjithçkaje që kam përjetuar”.
Për traditën e klubit kuqezi: “Maldini është për mua mbrojtësi qendror më i mirë i të gjitha kohërave. Nesta dhe Baresi kanë qenë gjithashtu modele. Kur vjen te Milani, e kupton çfarë do të thotë të jesh mbrojtës këtu”.
Për Modric: “Është nder të luaj me të dhe të mësoj prej tij. Është jashtëzakonisht modest dhe ka një mentalitet shumë pozitiv”.
Për Amorim: “Ka stil agresiv dhe mentalitet europian, në përputhje me futbollin modern. Është shumë pranë lojtarëve. Linja e lartë kërkon koordinim dhe komunikim”.
Për “Europa League”: “Duhet të jemi plotësisht të përqendruar për ta fituar. Një tjetër trofe europian për Milanin do të ishte diçka e mrekullueshme”.
