Përzgjedhësi i Kombëtares së Kosovës, Alain Giresse dhe kapiteni Amir Rrahmani janë duke folur në konferencë për media në prag të ndeshjes kundër Rumanisë.
Kosova dhe Rumania do të përballen të premten në stadiumin “Fadil Vokrri” me fillim nga ora 20:45, në kuadër të kualifikimeve për Kampionatin Evropian 2023.
Trajneri francez Giresse tha se futbollistët dardanë janë të vetëdijshëm për rëndësinë e lojës, andaj do të futen me motiv të madh në fushë.
“Lojtarët janë të vetëdijshëm për rëndësinë e lojës kundër Rumanisë. Nuk duhet të vendosim presionin te lojtarët. Lojtarët do të futen me motivimin më të madh në fushë me shpresën se do ta fitojmë këtë lojë” – tha Giresse në konferencë për media, shkruan lajmi.net.
Kosova dhe Rumania janë pjesë e Grupit I të kualifikimeve së bashku me Zvicrën, Izraelin, Bjellorusinë dhe Andorrën./Lajmi.net/
