Trajneri i Kombëtares së Kosovës ne futboll, Alain Giresse ka publikuar listën prej 23 futbollistëve për dy ndeshjet kualifikuese të këtij muaji për kualifikimet për Euro 2024.
Ndeshjen e radhës Kosova e luan kundër Rumanisë, më 16 qershor në stadiumin “Fadil Vokrri”, derisa tri ditë më vonë udhëton në Budapest, ku do të përballet me Bjellorusinë.
Hekuran Kryeziu dhe Elbasan Rashani janë dy rikthimet e mëdha te ‘Dardanët’ për këto dy sfida, derisa në listë ndodhet edhe mbrojtësi Lirim Kastrati.
Ndërkohë për herë të parë nga Përfaqësuesja A e Kosovës janë ftuar edhe Jetmir Topalli dhe Ermal Krasniqi.
Arbër Zeneli dhe Valon Berisha nuk do jenë me ekipin, por gjithashtu nuk është ftuar kampioni i Belgjikës, Arbnor Muja.
“Dardanët” kanë dy pikë në renditjen e Grupit I, pasi në ndeshjet e muajit mars barazuan me Izraelin dhe Andorrën./Lajmi.net/
