Olivier Giroud thotë se Milani nuk dëshiron të fshihet nga ambiciet e tyre për Scudetto dhe Liga e Kampionëve pas përforcimit të skuadrës.
Sulmuesi veteran konvertoi dy goditje nga pika në fitoren 4-1 e mbrëmshme ndaj Torinos, duke siguruar që ata të kenë një rekord 100 për qind në Serie A pas dy raundeve.
“Kam pasur fatin këtë mbrëmje që kam pasur dy penallti, por nuk është kurrë e lehtë t’i vendosësh ato në rrjetë,” tha Giroud për ‘Sky Sport Italia’, përcjellë lajmi.net.
Me një fillim kaq të fortë të sezonit dhe nëntë nënshkrime të reja, Giroud nuk do të përpiqet të maskojë ambiciet e tij për këtë sezon.
“Ambicia është të bëjmë atë që bëmë dy vjet më parë! Shpresojmë të luftojmë deri në fund me këtë frymë për Scudetton”, buzëqeshi ai, duke iu referuar triumfit të tyre për titull në 2022.
“Ne nuk duam të fshihemi, janë pesë apo gjashtë ekipe që mund ta bëjnë këtë. Ky është vetëm fillimi, kështu që të gjithë qëndrojnë të qetë, por ne ndihemi shumë të sigurt me atë që po bëjmë në fushë.
“Ka pak më shumë cilësi dhe sasi në skuadër. Mendoj se këtë herë mund të luajmë si në Serie A ashtu edhe në Ligën e Kampionëve, ndërsa duam të bëjmë mirë edhe në Kupën e Italisë. Tani kemi shumë lojtarë që janë gati të ndërhyjnë dhe ka të paktën dy opsione për çdo rol, ndoshta edhe tre, kështu që ka konkurrencë të mirë dhe kjo e ngre nivelin.”
Kujtojmë që Milani për herë të fundit fitoi Serie A në sezonin 2021-22./Lajmi.net/
