“Ne jemi shumë të lumtur, sot kam qenë me fat që kam shënuar, por nuk është kurrë e lehtë.
Djemtë bënë një punë të shkëlqyer dhe mund të kishim shënuar edhe më shumë gola. Ne ishim efektivë”.
Kështu ka komentuar Olivier Giroud për mikrofonat e “Sky Sport” në fund të fitores 4-1 të Milanit ndaj Torinos në Serie A.
“Ambicia është të luftojmë deri në fund për Scudetton, si dy vite më parë.
Nuk duam të fshihemi. Janë 5-6 skuadra në këtë kampionat që mund të luftojnë për ta fituar, por është vetëm fillimi dhe ne do përpiqemi të bëjmë maksimumin tonë.
Krahasuar me vitet e mia të mëparshme në Milano, tani ka edhe më shumë cilësi dhe sasi. Mund të luajmë më mirë. Kemi lojtarë të gatshëm, ka konkurrencë të mirë”, ka përfunduar sulmuesi francez.
