Cristiano Giuntoli ka folur gjithashtu për tregun e transferimeve pak minuta para ndeshjes Juventus-Milan:
“Rasti Kolo Muani? Ka pasur një keqkuptim burokratik, por gjatë javës do të zgjidhet dhe do të realizohet,” – tha Drejtori i Futbollit të Juventusit për Dazn. “Jemi të qetë. Për sa i përket Cambiaso-s, nuk ka asnjë negociatë. Aktualisht duam të bëjmë blerje, nuk po mendojmë për shitje. Nuk kemi marrë oferta, por nëse do të vijnë, do t’i shqyrtojmë.”
Ai foli më pas për situatën në renditjen e skuadrës: “Nuk jemi të kënaqur, duam të bëjmë më shumë dhe më mirë, pa harruar vështirësitë që kemi kaluar (duke iu referuar shumë dëmtimeve). Fitorja është gjëja më e rëndësishme, jo e vetmja, por më e rëndësishmja.”
