Autoritetet në Napoli kanë arrestuar gjashtë ultras të Napolit, të cilët dyshohet se sulmuan tifozët e Ajax-it gjatë përplasjes së tyre në fazën e grupeve të Ligës së Kampionëve në tetor.
‘La Gazzetta dello Sport’ detajon se si një numër i tifozëve holandezë u sulmuan në kryeqytetin e Campania-s më 11 dhe 12 tetor të vitit të kaluar, kur ata kishin udhëtuar për ndeshjen jashtë vendit në fazën e grupeve të Ligës së Kampionëve.
Një mbështetës i Ajax-it u godit me thikë, duke detyruar ndërhyrjen mjekësore, përcjellë lajmi.net.
Gjashtë ultras të Napolit nga grupi Masseria u arrestuan mëngjesin e sotëm, dy u dërguan në burg dhe katër u vunë në arrest shtëpie. Ata akuzohen për bashkim kriminal, armëmbajtje dhe sulm të rëndë.
Dy nga gjashtë ultrasit e arrestuar sot u gjurmuan nga policia në Genova dhe San Benedetto del Tronto, ku ishin larguar për punë.
Në të njëjtën kohë, u kryen kontrolle edhe ndaj tre personave të tjerë, dy prej të cilëve janë anëtarë të grupit Masseria ultra./Lajmi.net/
