Robert Gjeraj ishte njëri nga heronjtë e Lirisë së Prizrenit në fitoren e tyre ndaj Ferizajt në ndeshjen e barazhit që ua siguroi atyre inkuadrimin në Superligë në sezonin e ri garues 2023/24.
Me angazhimin e tij, Gjeraj ndihmoi skuadrën që ta shijonte një fitore të madhe në “Zahir Pajaziti” pas ekzekutimit të penalltive.
Përmes një reagimi në “Facebook”, Gjeraj ka thënë se me këtë sukses të arritur, Liria ia ka kthyer dinjitetin qytetit të Prizrenit, derisa ka falënderuar të gjithë për mbështetjen e madhe që i kanë dhënë atij dhe bashkëlojtarëve të tjerë.
Reagimi i plotë
Të nderuar/a
Me rastin e hyrjes në Superlië, kam marrë qindra e qindra mesazhe urime, dhe është e pamundur të iu falenderojë veç e veç Tifozeria prizrenase, udhëhequr nga “Arpaxhikët”, treguan kulturë me anim korrekt. Ata, gjatë gjithë vitit na bartën në krah, duke shtruar rrugën e suksesit. Falemnderit të gjithëve,.. Jeni shkolla e tifozerisë në Kosovë .Ju përqafoj secilin veç e veç. Ia kthyem dinjitetin vetes si lojtarë, staf dhe krejt Prizrenit. Ju falenderoj nga zemra.
