Mançester Junajtidi dhe Bajern Mynihu do të “përplasin brirët” në duel emblematik mes tyre mbrëmjen e sotme në miktikun “Old Trafford”. Ja disa nga të dhënat më interesante mes Junajtidit dhe Bajernit.
BILANCI-Në harkun e 12 dueleve, kampionët e Bundesligës mburren me shifra më dominuese, 5 fitore, 5 barazime dhe vetëm 2 humbje.
“EKSPERTI” KEJN-Kryeshënuesi anglez gjeti golin e parë me fanellën e rekordmenëve gjermanë në kompeticionin më prestigjioz në rang klubesh pikërisht ndaj rivalit në fjalë. Statistikat e bomberit 30-vjeçar në tempullin e Mançesterit janë vërtetë mbresëlënëse, nëse u referohemi 5 sfidave të fundit, 4 gola dhe 3 asiste.
MUNGESA E QËNDRUESHMËRISË-Mançester Junajtidi dhe Napoli janë të vetmet ekipe në fazën e grupeve të ciklit aktual që kanë humbur më shumë pikë nga pozita fituese, (8). Ata nuk e kanë mbrojtur dot fitoren deri në fund të ndeshjes, çka ka ndikuar në skalitjen e një rekordi të çuditshëm, skuadrat në historinë e turneut që shënojnë tre apo më tepër gola në tri sfida dhe del pa fitore. Antverp e ka nxjerrë më tepër topin nga porta e vet se “djajtë”, 15 raste.
REKORDI-Bajern Mynihu ka shansin të zgjasë rekordin e jashtëzakonshëm prej 39 takimesh pa humbje në Champions, brenda grupeve. Bavarezët përpara prezencës me Kopenhagen ruanin 17 fitore të njëpasnjëshme, por që u ndërprenë me barazimin pa gola.
SHPRESA HOJLUND-Rasmus Hojlund ka shërbyer si udhërrëfyes goli te Mançester Junajtidi, golashënuesi më i mirë i Ligës së Kampionëve pas 5 javësh. Qasja optimiste ndaj Mançesterit ka lidhje edhe me transfertat e skuadrave gjermane, e përkthyer me 8 fitore dhe 3 barazime në 11 “betejat” pararendëse.
PANORAMASPORT.AL
