Marko Rojs tregoi klasin e tij të vërtetë me një gjest fantastik që bëri pas ndeshjes së tij të fundit në shtëpi për Borusia Dortmundin në Bundesliga.
Gjermani ka vendosur të largohet 12 vite pasi iu bashkua verdhezinjve nga Borusia Mynshengladbah. Pas fishkëllimës së fundit të gjyqtarit, Rojs vrapoi në drejtim të tribunës që njihet me emrin ‘Sudtribune’ ose ndryshe ‘Muri i Verdhë’ ku iu bashkua tifozëve për t’i kënduar disa këngë.
Tifozët më pas e zbuluan që Rojs i kishte bërë atyre një surprizë si shenjë respekti për mirënjohjen ndaj tij, duke i ftuar 80 mijë tifozët që ishin në ndeshjen e tij të fundit, këtë pasdite për një birrë.
Në foton e publikuar në rrjetet sociale shihet një shënim i Rojs në një fletë që iu dorëzua tifozëve me mesazhin: Faleminderit për gjithçka! Birrat e lamtumirës janë në emër timin. I juaji, Marko.
Marco Reus has invited all 80,000 Dortmund fans who were at his final Bundesliga game this afternoon for a beer 🍻
Class gesture from the Dortmund legend 👏 pic.twitter.com/p3xrwg4BeI
— SPORTbible (@sportbible) May 18, 2024
PANORAMASPORT.AL
