Federata Mbretërore e Futbollit Spanjoll (RFEF) po mendon çeljen e një hetimi disiplinor ndaj presidentit të Barcelonës, Joan Laporta.
Kjo lidhet me sjelljen e numrit një të Barçës, pasi mësoi se Këshilli i Lartë i Sporteve i dha dritën jeshile klubit për të federuar dy lojtarët Dani Olmo e Pau Viktor.
Mediat kanë kapur një fragment kur Laporta me gjeste treguan: “Jua futa”, teksa mediat spanjolle shkojnë më tej duke shtuar se presidenti i katalanasve ka lëshuar dhe fjalë të tjera të rënda si “frikacakë, maskarenj, burracakë…” e deri në “bir kurve” dhe një seri të tërë fyerjesh.
Sipas “Esport 3”, RFEFja tani po studion nëse do të hapet një çështje për presidentin, siç ka ndodhur në të kaluarën me presidentë të tjerë, megjithëse para se të marrin çfarëdo lloj mase duan të jenë shumë të qartë për procedurën.
Për momentin ata po studiojnë me rregullore në dorë se si të veprojnë në një situatë që ata e konsiderojnë komplekse.
