Me paraqitjet fantastike që është duke i bërë me fanellën e Rapid Bukureshtit, Albion Rrahmani është bërë cak i disa skuadrave evropiane.
Sipas asaj që raporton medium rumun ProSport, skuadra e Benficas është e interesuar për Rrahmanin.
Kështu po raportojnë edhe mediat portugeze të cilat thonë se sulmuesi kosovar është futur në listën e dëshirave të Benficës nga presidenti Rui Costa, i cili ka mbetur i mahnitur me potencialin e tij.
Klubi portugez madje kishte dërguar edhe skautët për të përcjellur Rrahmanin në fitoren me rezultat 4-0 në derbi që Rapidi e arriti ndaj Steaua Bukureshtit, aty ku 23-vjeçari shkëlqeu me dy gola të shënuar.
Për të siguruar shërbimet e Rrahmanit, Benfica duhet të paguajë rreth 8 milionë euro, çmim ky i vendosur nga drejtuesit e klubit rumun.
Ditë më parë është raportuar për një interesim edhe nga Aston Villa për sulmuesin kosovar.
Rrahmani po kalon në një formë fantastike këtë sezon, ka shënuar 14 gola dhe ka dhuruar tri asistime në 16 ndeshje të luajtura.
