Futbollistët Kushtrim Shabani e Arago Jamal nuk janë më pjesë e skuadrës së Gjilanit.
Ekipi nga Superliga e Kosovës, të premten ka falënderuar të dy futbollistët për kontributin, si dhe u ka dëshiruar suksese në të ardhmen.
“Me mirënjohje të thellë dëshirojmë të falënderojmë Kushtrim Shabanin e Arago Jamal për kontributin e tyre të çmuar dhe përkushtimin e vazhdueshëm ndaj klubit”, thuhet ndër të tjera në njoftim.
Në fakt, Shabani muaj më parë është larguar nga Gjilani dhe tashmë ka firmosur me skuadrën e Llapit, ndërsa Arago nuk ka vendosur ende për të ardhmen e tij.
Mbrojtësi Arago u ribashkua me Gjilanin verën e shkuar, ndërsa në Kosovë ka luajtur edhe për Prishtinën e Dritën.
Teilen:
