Atalanta e ka shkatërruar me rezultat 4:1 Fiorentinën, duke iu hakmarrë me kamatë për humbjen në gjysmëfinalen e parë me 1:0.
Minutat shtesë ishin fatale për Fiorentinën nga Firenca.
Pësuan dy gola në minutën e 90+5 e 90+8, duke u nokautuar nga Kupa.
Në minutën e 8-të Koopmeiners shënoi për skuadrën nga Bergamo por mysafirët barazuan me golin e Martinez Quarta në minutën e 68-të.
Duhet theksuar se Milenkoviq i Fiorentinës është përjashtuar me karton të kuq në minutën e 53-të dhe ky ishte një kapital i madh për vendasit.
Scamacca në minutën e 75-të shënoi për 2:1 dhe kur të gjithë menduan se ndeshja do të shkojë në vazhdime, dolën në skenë Lookman në minutën e 90+5 e Pasalic në atë të 90+8 duke shënuar për 4:1 dhe eliminuan Fiorentinën.
Reprezentuesi i Shqipërisë, Berat Gjimshiti, u paraqit titullar për Atalantën, duke festuar kualifikimin, ku në finale do të ndeshen me Juventusin.
