Paulo Fonseka nuk ka vonuar shumë për të gjetur një klub të ri. Trajneri i shkarkuar një muaj më parë nga Milani, pritet të zyrtarizohet sot si trajneri i ri i Olimpikut të :Lionit.
Vetë presidenti i Olimpik Lion, Xhon Tekstor, ka konfirmuar gjithçka në një intervistë për AFP. “Nëse nuk ka ndonjë të papritur, Paulo do të jetë trajneri ynë i ardhshëm. I mbeten ende disa gjëra të vogla për të sistemuar me klubin e tij paraardhës, por situata po zgjidhet në mënyrë të shpejtë dhe shpresojmë ta shohim në punë këtë javë”, tha ai, pas shkarkimit të teknikut Pierr Sazh.
Sipas RMC Sport, Fonseka pritet që sot në Lion dhe mund të drejtojë ekipin në Ligën e Europës ndaj Ludogorets.
PANORAMASPORT.AL
