Gjysmëfinalet e ProCredit Superliga po sjellin një nga seritë më të forta dhe më dramatike të sezonit, me çdo ndeshje që po luhet në kufijtë e emocioneve dhe detajeve të vogla.
Seritë janë të barazuara 1:1, që do të thotë se gjithçka mbetet e hapur dhe çdo takim tashmë ka peshën e një finaleje.
Të mërkurën zhvillohet ndeshja e tretë mes KB Bashkimi dhe KB Bora. Dy përballjet e para kanë qenë jashtëzakonisht të ngushta, 73:70 dhe 76:75, duke treguar se skuadrat janë shumë të barabarta dhe se fitorja vendoset në momentet e fundit.
Të enjten vazhdon edhe seria tjetër mes KB Trepça dhe KB Peja. Edhe këtu rivaliteti është maksimal, me ndeshjet e para të mbyllura 86:78 dhe 95:93, në duele të forta dhe shumë të luftuara.
Të dy ndeshjet luhen me fillim të orës 19:30.
Derisa kujtojmë që skuadra që arrin tri fitore kualifikohet në finale, prandaj çdo ndeshje e mbetur është vendimtare.
Play-off-i po tregon edhe një herë nivelin e lartë dhe rivalitetin e madh të basketbollit kosovar.
