Në kudër të sezonit të ardhshëm, Bajerni po punon me ide të qarta. Do të ketë largime (të konfirmuara, si: Myler e Dajer), por edhe shitje, siç mund të jetë ajo e koreanit Kim.
Në fakt, vetëm nëntë janë të paprekshëm nga organika aktuale dhe klubi po punon aktivisht për të sjellë në Bavari Felipe Lojola të Independientes. Mesfushori 24-vjeçar do t’u kushtonte kampionëve të ardhshëm të Gjermanisë rreth 20 milionë euro. Pas javësh spekulimesh rreth sjelljes së një qendërmbrojtësi të ri, zyrtarët e Bajernit duket se kanë punuar për të marrë një mesfushor të ri dhe ai është Lojola, i cili luan për klubin argjentinas Independiente. Kiliani mund të luajë qendror në mesfushë dhe si mbrojtës i djathtë, nëse është e nevojshme dhe ka qenë përshtatshmëria e tij taktike ajo që ka bindur Bajernin.
IDENTIKITI – Sa i përket profilit, ai është krahasuar me Konrad Laimer të Bajernit, i cili është përdorur gjithashtu nga bavarezët në mesfushë dhe si mbrojtës i djathtë. 24-vjeçari ka luajtur 18 ndeshje në vitin 2025 dhe ka kontribuar në 7 gola (4 gola, 3 asiste). Ndërkohë, sipas “BILD”, kontrata aktuale e kilianit me Independienten skadon në qershor 2028 dhe ka një vlerë tregu prej 6 milionë eurosh (Transfermarkt), megjithatë, për akordin, nevojitet thuajse 3- fishi i kësaj shifre. Lojola do të bëhej transferimi i dytë i Bajernit për sezonin 2025-26, pas Tom Bishof të Hofenhaimit.
PANORAMASPORT.AL
