Milan ka gati goditjen e bujshme për merkaton e janarit.
Aventurës së Gabriel Jesus tek Arsenal duket se i ka ardhur fundi. Braziliani i cili sezonin e kaluar pësoi një dëmtim të rëndë dhe ende nuk është rikthyer në fushën e lojës, mund të largohet nga londinezët gjatë merkatos së janarit.
Duke qenë i vetëdijshëm që do të ketë shumë pak minuta në dispozicion tek Arsenal, Gabriel Jesus do të kërkojë një ekip tjetër ku mund të jetë protagonist, duke ditur që në verë është edhe Kupa e Botës dhe ai mund të jetë pjesë e listës së Ancelotti-t vetëm nëse luan rregullisht.
28-vjeçari pritet të rikthehet shumë shpejt në fushën e lojës dhe të jetë në dispozicion për Artetën.
Për brazilianin ka interes nga Milan, por shuma e kërkuar nga Arsenal 30-35 milionë paundë është pak shumë për financat e kuqezinjve.
Mediat angleze raportojnë se Milan interesohet më shumë për mundësinë e huazimit me të drejtë blerjeje në fund të sezonit.
