Fitorja e tretë radhazi për ekipin e Golden State, që mundi 134-125 Memphis jashtë fushe dhe konsolidon pozitat në vendin e pestë në Perëndim. Ndeshje magjike për Stephen Curry, që realizoi 52 pikë e 10 rebound, duke qenë lider për Warriors.
Rikthehet te fitorja skuadra e Milwaukee, që mundi 133-123 Phoenix. Të gjithë titullarët e skuadrës së Bucks realizuan mbi 12 pikë, ku u dallua Antetokounmpo me 37 pikë e 11 asist, duke i bërë të pavlefshme 39 pikët e Booker për miqtë.
Në sekondat e fundit të kohës shtesë fiton Minnesota, që mundi 140-139 Denver. Anthony Edwards me 34 pikë ishte lider për miqtë, ndërkohë që Jokic realizoi 61 pikë, 10 rebound e 10 asist, por që s’mjaftuan për të evituar humbjen.
NBA-Rezultatet e sotme
Atlanta – Portland, 113-127
Milwaukee – Phoenix, 133-123
New York – Philadelphia, 105-91
Chicago – Toronto, 137-116
Memphis – Golden State, 125-134
San Antonio – Orlando, 105-116
Denver – Minnesota, 139-140
