Futbollistët e Real Madridit kanë nxjerrë një barazim si mysafirë ndaj skuadrës Osasuna me rezultat 1:1, ndonëse erdhën të parët në epërsi.
Sulmuesi francez Kylian Mbappe shënoi në minutën e 15-të, por kjo ishte e tëra që ekipi mbretëror arriti në ndeshjen e vlefshme për xhiron e 24-të të La ligës spanjolle.
Në minutën e 39-të Jude Bellingham u përjashtua pasi u ndëshkua me karton të kuq, duke lënë kështu në vazhdim të ndeshjes ekipin e tij me dhjetë lojtarë në fushë.
Kjo edhe u shfrytëzua nga skuadra vendase, pasi kroati Ante Budimir nga penalltia në minutën e 58-të siguroi një pikë të madhe për Osasuna.
Në ndeshjen tjetër të ditës Alaves luajti baras në një ndeshje dramatike ndaj Deportivo me rezultat 3:3, ndërsa sonte luajnë Atletico Madrid -Celta Vigo dhe Villarreal-Valencia.
Në programin e ditës së diel janë takimet Espanyol – Athletic Club, Real Valladolid- Sevilla, Mallorca-Las Palmas dhe Real Betis-Real Sociedad. Xhiroja e 24-të e La Ligës përmbyllet ditën e hënë me takimin ndërmjet Barcelonës dhe Rayo Valecano nga ora 21:00.
Real Madrid prin në tabelë me 51 pikë, një më shumë se Atletico Madrid i dyti dhe tri më shumë se Barcelona e treta, por me një ndeshje më pak të zhvilluar. Ndërsa, Osasuna mbetet e shtata me 32 pikë.
