Dushan Vlahoviç mungonte në listën e golashënuesve për skuadrën e Juventusit që nga 16 shtatori, kur realizoi dy herë ndaj Lacios. Por që atëherë, situata e tij në radhët e bardhezinjve ishte përkeqësuar pasi kishte përfunduar në stolin e rezervave.
Ndaj pas golit të shënuar kundër Interit sot, shumëkush priste një festë të jashtëzakonshme të sulmuesit. Por në të kundërt, ai e shmangu plotësisht ekzaltimin, edhe pse i rrethuar nga shokët e skuadrës.
Përkundrazi, ai bëri një gjest polemizues, pasi bëri shenjë me dorë sikur po fliste. Një “bla, bla, bla” që i drejtohej qartësisht atyre që e kishin menduar të mbaruar, ashtu si edhe gjesti që bëri më pas, duke vendosur dorën në vesh, sikur nuk po dëgjonte mirë.
Një reagim që sigurisht do të shtojë edhe më shumë kritikat ndaj lojtarit, i cili është vënë në diskutim pikërisht për luhatjet e mëdha që ka treguar, qoftë edhe në një ndeshje të vetme siç ishte kjo e sotmja ndaj Interit.
PANORAMASPORT.AL
