Hansi Flick dhe Anthony Gordon folën në konferencën për shtyp para ndeshjes Barcelon–Aston Villa në Champions League. Sulmuesi anglez nënvizoi mes të tjerash:
Si e shohin Gordon në Angli?
Nuk luaja në një sistem që nxirrte në pah cilësitë e mia. Nuk thashë se njerëzit më kishin gjykuar gabim, por se nuk më kishin parë në një sistem të tillë. Është normale. Ekipet angleze janë shumë fizike dhe kanë lojtarë të mëdhenj. Jam gjithmonë i motivuar dhe përpiqem të jem i qëndrueshëm. Fakti që përballemi me një ekip anglez nuk më motivon më shumë.
Me paraqitjen tuaj duket se i keni fituar tifozët katalanas…
Më pëlqen të shoh pankarta me emrin tim. Gjithçka lidhet me mënyrën se si të bëjnë të ndihesh njerëzit. Deri tani, më kanë bërë të ndihem shumë mirë. Nuk e prisja këtë lidhje pas vetëm tre muajsh. Kjo më motivon të jap më shumë, për dashurinë dhe mbështetjen që më kanë dhënë.
Çfarë të ka surprizuar më shumë?
Gjithçka është krejt ndryshe. Është hera e parë që jetoj jashtë Anglisë. Është e vështirë, por jam me fat, sepse Spanja është një vend fantastik. Më kanë surprizuar afërsia dhe cilësia e lojtarëve. Mund të kishin ego, por vazhdojnë të jenë modestë.
Si ju duken kërkesat te Barcelona?
Po përshtatem. Nuk kam ende shumë përvojë, por jam përshtatur mjaft mirë. Mund të jap shumë më tepër dhe, me kalimin e kohës, do ta tregoj veten.
