Pak javë më parë, në Nyon të Zvicrës u hodh shorti përcaktues i raundit të 1/16-ve, të UEFA Champions League, ku padyshim ndër sfidat më spektakolare, për të mos thënë më spektakolarja do të jetë përplasja mes nënkampionëve të Evropës, Inter dhe “Los Colchoneros” spanjollë të Atletico Madrid.
Për këtë short, disa fjalë i ka thënë edhe “fantazisti” francez i sulmit, Antoine Griezmann, i cili, në një prononcim të shkurtër për prestigjiozen spanjolle, “AS”, deklaroi se i cilëson spanjollët, si një rival të vështirë dhe të ngjashëm, me skuadrën e tij.
“Dua të përpiqem të fitoj një titull tek Atletico. Dua të bëj gjithçka që është e mundur për t’ia dalë të fitoj. Inter është një kundërshtar i vështirë, por ata na ngjajnë shumë. Gjithashtu, ne duam të jemi afër kreut edhe në La Liga, pasi gjithçka mund të ndodhë deri në fund”,- u shpreh “ylli” francez i sulmit. /i.m /abcnews.al
