Pak rëndësi ka nëse është në 100% të formës apo jo, por Antuan Grizman do të luajë nga minuta e parë kundër Interit.
Kjo është ndeshja më e rëndësishme e sezonit dhe ai do të shtrëngojë dhëmbët për të qenë në fushën e lojës. Prezenca e tij sposton Jorenten në mesfushë që do të formojë treshen me De Pol dhe Koken.
Ndërkohë që trajneri i Interit, Simone Inzagi ka dy dilema në prag të kësaj sfide.
Në stërvitjen e fundit të zhvilluar në Milano përpara nisjes në Madrid ka provuar në ekipin titullar dy holandezët De Vraj dhe Dumfris. Qendërmbrojtësi është në balotazh me Açerbin, ndërsa lojtari i linjës së djathtë kërkon një fanellë titullari në garën me Darmian. Nuk dihet ende vendimi përfundimtar, trajneri do të vendosë përpara sfidës. Pjesa tjetër është ekipi më i mirë i Interit.
PANORAMASPORT.AL
