Në prag të ndeshjes kundër Aston Villas, trajneri i Manchester Cityt, Pep Guardiola, foli në konferencë për shtyp.
Ai thotë se veç ndeshja ndaj Aston Villas ka rëndësi momentalisht, përcjell GazetaBlic Sport.
“Ka të bëjë me fitoren e ndeshjeve, kjo është ajo që duhet të bëjmë. Nuk kemi shumë shanse të humbim pikë. Aston Villa po luan për kualifikimin e Champions League, çdo ekip luan për diçka, kështu që ndeshjet e fundit do të jenë të vështira për t’u menaxhuar”, tha fillimisht ai.
“Përvoja jonë nuk llogaritet. Ajo që ka rëndësi është Aston Villa. Duke qenë në gjendje të fitojmë shumë ndeshje radhazi më parë, nuk e di se sa mund të fitojmë tani. E vetmja gjë që ka rëndësi tani është se si të mundim Aston Villa”, përfundoi ai.
/GazetaBlic Sport
