Pep Guardiola ka zbuluar sot para mediave se Erling Haland me shumë mundësi e ka mbyllur këtë sezon sa i përket kampionatit anglez dhe shpresat janë që të jetë i gatshëm vetëm për Botërorin e Klubeve. Norvegjezi u dëmtua në sfidën ndaj Bornmuth në Kupën FA dhe sipas asaj që tha Guardiola, do të kalojë më shumë se një muaj jashtë fushave të lojës.
“Mjekët më treguan se Erling Haland do të jetë jashtë mes 5 dhe 7 javëve”, tha Guardiola para gazetarëve. “Ne do të gjejmë një zgjidhje mes lojtarëve që kemi, ata kanë aftësi dhe cilësi të ndryshme. Do të kemi në sulmues tjetër në qendër”, tha trajneri spanjoll. Sipas të gjitha gjasave, Omar Marmush i afruar gjatë janarit, do të jetë ai i cili do të marrë vendin e Haland deri në mbyllje të sezonit.
Sulmuesi norvegjez pritet të mungojë në gjysmëfinale dhe në një finale të mundshme të Kupës FA, por mund të kthehet ndoshta vetëm në javën e fundit të Premier Ligës. Gjithsesi, objektivi i klubit është i qartë për rikuperimin e tij të plotë për Botërorin e Klubeve në verë.
PANORAMASPORT.AL
