Manchester City ka përmbysur (3:2) sot Newcastle-n në minutat shtesë.
Merita kryesore i takon Kevin De Bruynet, i cili u rikthye sot në fushë dhe u tregua vendimtar me golin dhe asistin e tij. Guardiola ka folur me fjalë të mëdha për mesfushorin belg pas përfundimit të ndeshjes.
Trajneri katalanas ka thënë se mënyra e lojës së City-t është gjithmonë e njëjtë, por lojtarë si Haaland-i dhe De Bruyne kanë talent të pastër dhe mund të ndryshojnë ndeshjen.
“Dua të tregohem i sinqertë me ju.
Mënyra se si ne luajmë, është shumë e ngjashme edhe pa të (De Bruyne-n).
Por për të fituar ndeshjet, na duhen lojtarë të tipit të Kevinit, apo Erling Haaland-it.
Kështu që për mënyrën se si ne luajmë…
Kemi vite së bashku, e dimë se çfarë duhet të bëjmë. Kemi lojtarë që luajnë me duart në xhepa.
Por vizioni, cilësia, të shohësh diçka të veçantë në 1/3-tat e fushës nuk ka të bëjë me taktikat, është talent, është individuale.
Çfarë mund të them për Kevinin (De Bruyne-n), të gjithë e njohin. Ka 9 vite këtu”, ka deklaruar Pep Guardiola.
